حلوى الكوك

شكون فينا اللي مكتعجبوش الحلويات السريعة وفي نفس الوقت شكل ومداق لذيذ امممممممممممم

على بركة الله المقادير

المرحلة الاولى

250غرام كوك مطحون

1كاس سكر كلاصي

1كاس حليب بودرة نيدو

1ملعقة كبيرة زبدة

شوية ملون احمر

ماء زهر اللي يكفينا باش نحصل على عقدة الكوك

 نجمع الكوك المطحون مع الزبدة ونيدو وسكر شوية ملون احمر ونجمع بماء زهر الكافي
حتى تولي عندنا عقدة الكوك كيما كتلاحضو 
خديت شوية من العقدة وزدت غلقت بالملون وخليت على جنب للتزيين

المرحلة الثانية

150غرام بسكوي ماريا

من 2الى3 معالق كبار كوفتير على حسب المتوفر او العسل

 نطحن البسكوي ونجمعه بالكوفتير

 نحصل على عقدة كما في الصورة

 نطلق الكوك اللي صوبنا في المرحلة الاولىبين 2 بلاستيكات ونشكل البسكوي على الشكل اللي امامنا

 ونلفوه مزيان مع الضغط على خفيف عليه
على ما اضن ان كلشي واضح
في هد الاثناء نكمل كلشي ونخليوهم على جنب ونوجد مقادير التزين

 اللي هي
سكر سنيدة عقدة الكوك اللي خلينا فالاول 

نقطعهم الشكل اللي حبينا انا قطعتهم على شكل مربع مائل
وندوز وجههم في سنيدة  

 فالاخير كنحصل على هد الشكل

 شكلهم النهائي

بالصحة والراحة

كوكيز بشكل جديد

انشاء الله تنال اعجابكم الوصفة وتجربوها 

المقادير

125زبدة

كاس سنيدة

نصف كاس زيت 

2بيضات

1فاني

1خمارة

قبصةملح

2معالق كبار كاكاو

 نحصل على عجين نقسمه على 2 واحد نخليوه ابيض والتاني نزيد عليه الكاكاو

 نديرهم حرابل طوال

 نخالفهم كما في الصورة

 نقطعهم مربعات وندورهم كويرات

 ندخلهم للفران يطيبو بالصحة والراحة

 بالصحة والراحة

تحياتي لكم حبيباتي ام اشراق واميرة

محبوبة الكل البطاطا 

الكل ليه طريقة خاصة بيه للبطاطا هادي طريقتي انشاء الله تعجبكم كما كتعجبني وكتعجب وليداتي

انشاء الله نبقاو مع المقادير 

3بطاطا مقشرين ومحكوكين 

 نصف ملعقةصغيرة ملح

نصف ملعقةصغيرة ابزار

ربع ملعقة صغيرة كامون و فلفل احمر

ربع ملعقة صغيرة بودرة الثوم و الزعتر محكوك

راس ملعقة صغيرة خرقوم

 قسبور ومعدنوس مقطعين

3بيضات

 

 الطريقة

 نحك البطاطا ونعصروها مزيان من الماء ونزيد عليها الربيع والعطرية والبيض هو الاخير 

  
  ندير الزيت تسخن مزيان ونهزها برؤوس الاصابع ونديرها  التقلى 

بالصحة والراحة

                            كيكة الطبقات 

انشاء الله تنال اعجابكم

المقادير

الطبقة 1

3 بيضات
كاس صغير سنيدة
نصف كاس زيت
ربع كاس ماء مغلي مذوب فيه معلقة كبيرة كاكاو 
كاس و نصف طحين
1 خمارة
 كاس العبار صغر من كاس ديال العنبة اللي عندي مع صورة المقادير

الطريقة

 طربي البيض مع السنيدة وتزيدي الزيت والكاكاو اكيد الطحين مغربل مرتين مع الخميرة 

ندهن المول وندخلها طيب 

الطبقة 2

نصف لتر حليب
3 معالق كبار كريم باتسيير
1 بيضة
80 غ او 12 قطعة شكلاط اسود مذوب
3معالق كباركركاع محمر و مهرمش
معلقة كبيرة روح كراميل
2معالق سنيدةاو حسب الذوق 

نطربوا بالفورشيط البيضة مع غبرة كريم باتسيير وسنيدة ونزيدوه على الحليب وحنا كنحركو  حتا يعقاد 
نزيدو نكهة او روح الكراميل 
ثم الشكلاط مذوب 
واخيرا الكركاع مهرمش هو الاخير

نفرغوه على الكيكة ونخليوخا تبرد على منوجدو الطبقة 3

الطبقة3
كاس كبير عصير الليمون
3 فلان فاني او فلون شكلاط
3معالق سنيدة او حسب الذوق
نحركوه حتا يعقاد ونفرغوه على الطبقة الثانية غير بشوية بشوية بشوية

ندخلوها لثلاجة حتا تبرد اكيد التزيين يبقى على حسب الرغبة انا قطعتها و زينتها بخطوط دانيت كراميل 
وكل واحدة فينا كيبقى ليها الاختيار

الشكل النهائي

بالصحة والراحة

جينواز سهلة جدا مع اتباع المقادير والطريقة

بالنسبة لهاد المقادير نحتاج لاطة فيها 30سنتيم على20سنتيم

 6بيضات-180غرام سنيدة-180غرام طحين-نصف ملعقة صغيرة خمارة-قطرة روح الفانيلا

 نضرب مزيان البيض وسنيدةحتى يولي الخليط كيما كتشوفو وهد العملية مهمة جدا وهي اللي كتخلي الجينواز تطلع مزيان

 نغربل الطحين وخمارة مرتين او اكثر ونضيفه على خليط البيض اللي طلعنا غير بشوية

 ندهن الاطة او ندير ليها الكاغيط سيلفريزي

 من بعد ندخلها لفرن ساخن نخليوها من 15الى20دقيقة

 وبالصحة والراحة وانشاء الله تنجح معاكم الجينواز

او الفقاص جوهرة les diamants aux fruits confits

مذاقه غير اللي متعودين عليه

نخليكم مع المقادير والطريقة

جربوه وحكمو

المقادير

  250غ زبده +180 غ سكر كلاصي +2 بيضات
4 معالق كبار زيت=نصف كاس صغير +الدقيق تقريبا 600 غرام +معلقه صغيره قرفه + نصف معلقه صغيره زنجبيل
+نصف باكيه خميرة ديال الحلوى انا هنا استخدمت الفواكه المعسلة+ممكن الديروالكركاع مهرمش والزبيب اواللوز و المشماش مقطع يعني كيبقى الاختيار لكم

كنخدمو الزبده + السكر كلاصي
و نزيدو الزيت + البيض و القرفه و سكنجبير (ممكن تسنغناو عليهم و ديرو الفاني ) وبيني وبينكم سكينجبير كيجي احسن ومكيجيش باين فالمداق بتاتا
و الفواكه نزيدو الدقيق و الخميره بالتدريج حتى تجمع العجينه
واخا تحسو بها مطلوقه ماشي مشكل

 تفرقو العجينه على اربع و تشكلوها حريبلات ما تكونش غليظه
و تلفوها كل حربول فالبلاستيك الغذائي و دخلوها للمجمد تقريبا نصف ساعه
او اكثر

ثم نخرجوها و نمرمدو الحرييبلات فالسكر سنيده + الفاني و نقطعو دوائر و نحطوها فطاوه مباعدين شويه

   ندخلوهم للفرن غير يولي اللون مذهب شويه نخرجوه

 

بالصحة والراحة والقادم اجمل انشاء الله

 

 

                                 كيكة الموز اللذيذة

المقادير:

بسم الله

(2بيضات+2 حبات موز+ كاس زيت+ كاس سكر حبيبات+ منسم فاني+

 خمارة 7غرام+ كيسان دقيق)

  تخلط كل المواد السائلة بالخلاط الكهربائي او اليدوي

نضيف الدقيق والخمارة

 تدهن صفيحة الكيك

لما تنضج تحشى بكريم باتيسري

 بالف هنا

 اممممم ما احلها مع كاس عصير

زوم  زوووووووم